1.- A Xunta Directiva de APRADOGA queda constituída do seguinte xeito:

Presidente:  Andrés Bellas Carballo

Vicepresidente: Carlos Jiménez Díaz

Secretaria: Mª del Mar Liaño Español

Tesoureiro:  Gaspar González Somoza

Vogais:

César Cambeiro Quintela

Santiago Cortegoso Calvar 

Procédese desde entón á  comunicación cos organismos e asociacións relacionadas coa profesión, asemade dos medios de comunicación para dar conta deste feito e das distintas labouras que temos previsto efectuar a partir de agora.

Algúns e algunhas participantes na Xornada

Máis fotografías na galería de imaxes [+]

A xornada constou de catro mesas de diálogo: “A tradución audiovisual”; “Adaptación, corrección e desenvolvemento”; “A dobraxe como instrumento normalizador” e “Presente e futuro do idioma galego”. Así mesmo contou coa presenza dunha ducia de relatores, entre os que se atopan filólogos, tradutores, correctores lingüísticos e profesionais do audiovisual galego como Charo Pena (voz de Meryl Streep, Julie Andrews, ou Susan Sarandon), Tacho González (protagonista da exitosa teleserie Padre Casares) ou Luís Iglesia (protagonista da serie Matalobos e voz habitual na versión galega de Robert de Niro, Harrison Ford, Mel Gibson, Paul Newman…), entre outros.

Importancia da dobraxe e a tradución
Esta xornada coincide co 26 aniversario da Normalización Lingüística e os 25 anos da dobraxe en galego. A dobraxe considérase fundamental como elemento normalizador e normativizador da nosa lingua, e non só pola posibilidade de desenvolver esta actividade en galego, pola consecuente competitividade lingüística co castelán, ou pola súa achega para ver como propia unha parte do audiovisual producido en Galicia, senón polas múltiples disciplinas que é necesario manexar para a correcta execución do oficio.

Do mesmo xeito, a tradución (que obriga a verter ao galego realidades históricas, sociais, culturais, lingüísticas, etc. tan diversas e ricas como é quen de ofrecer a cinematografía mundial), o proceso de adaptación-axuste (que esixe un coñecemento profundo a niveis sintácticos, semánticos, fraseolóxicos…), e a propia gravación (onde o manexo da fonética, a prosodia, os recursos expresivos da voz falada, os acentos, etc. son de uso constante e inevitable) fan do oficio un eido complexo e único que fornece de traballadores cualificados outros campos do audiovisual, dos medios de comunicación ou do teatro.

Programa: Descarga o díptico en  pdf  [+]

Comunicado ós Medios [pdf]